A OPP83–Cooperativa Santa Eugenia de Ribeira participará no XVII Encontro de Embarcacións Tradicionais de Galicia, que se celebrará no Porto de Ribeira do 17 ao 20 de xullo, cunha degustación gratuíta de Lirio de Ribeira prevista para o 18 de xullo.
Durante a xornada repartiranse máis de 1.000 racións deste peixe, co obxectivo de poñer en valor a marca colectiva Lirio de Ribeira e fomentar o consumo de peixe entre a poboación, nun evento que é un referente da cultura mariñeira galega e que reunirá embarcacións tradicionais de toda España.
Esta acción promocional enmárcase no Plan de Produción e Comercialización 2025 da OPP83, cofinanciado pola Xunta de Galicia e polo Fondo Europeo Marítimo, de Pesca e Acuicultura (FEMPA).
